Պարույր Սևակ. ԻԲՐԵՎ ՍԿԻԶԲ
(Կարդում է Նունե Ավետիսյանը)

Стихи Паруйра Севака «Ибрев Скизбы» нашей традиционной рубрике Избранные стихи. Читает Нуне Аветисян.
Нажмите для прослушивания

Իբրև սկիզբ ընդամենը ես այս կասեմ.
Աշխարհում կա ջահելությո՛ւն,
Կա կյա՛նք,
Կա սե՛ր,
Կան տղաներ և աղջիկնե՜ր,
Կա շե՛կ, կա սև՛:

Եվ մի աղջիկ`
Սև աչքերով, սև մազերով,
Ինձ գերել է խելքից հանել իր նազերով:

Գալիս է նա և շատ հաճախ,
Ձեռքըս բռնում, ափըս բացում,
Սև աչքերը մերթ՝ կկոցում,
Մերթ լայն բացում,
Մերթ փակում է,-
Սկըսվում է… գուշակո՜ւմը:

-«Ապո՛ւ-ապո՛ւ, կապո՛ւ-կապո՛ւ…
Եկ մի տեսնենք՝ ի՞նչ կա ափում…»:

-«Աթո՛ւ-աթո՛ւ, հա՜ թուհ-հա՜ թուհ …
Տեսնենք տղան ի՞նչ է ատում…»:

-«Անա՜մ-փերո՛ւ, չանա՜մ փերո՛ւ…»:

Եվ մի օր ել չեմ համբերում,
-Գիտե՛մ, գիտե՜մ,
Գուշակ էլ ես , կախարդ է՛լ ես.
Չէ՞ որ դու ինձ ոտով-գլխով կախարդել ես:
Բայց իմ ափը ի՞նչ է տալիս:
Ինքըդ գիտես , որ մի ափը
Մինչև անգամ ծա՛փ չի տալիս:

Ախար ինչ՞ կա այդ ափի մեջ,
Կուզե՞ս
դառնամ
մարդ՝ ափի մեջ…
Մարդկանց առաջ և քո առաջ
Ահավասիկ ինքս եմ բացում
Ինչ որ ունեմ — ինչ որ չունեմ
Իմ հոգո՛ւ մեջ.

Մարդկանց առաջ և քո առաջ
Ահավասիկ ինքս եմ բացվում,
Ինչպես մանուկն օրորոցում`
Երբ շոգում է…

Метки: Армянская литература, Армянская поэзия, армянские стихи, Армянский поэт, Ибрев скизб, Паруйр Севак, Стихи Севака, ԻԲՐԵՎ ՍԿԻԶԲ, Պարույր Սևակ